Пирӯзии боварибахши Муин Ғафуров дар UFC 311

Размикори тоҷик Муин Ғафуров дар вазни сабуки UFC (20-6) ба яке аз пирӯзиҳои барҷастатарин дар корномааш ноил шуд. Ғафуров дар мусобиқаи UFC 311 дар Иглвуди ИМА бо Риня Накамураи қаблан мағлубнашудаи ҷопонӣ (9:1) қувваозмоӣ карда, музаффарият ба даст овард.

Мубориза, тибқи нақшаи пешакӣ дар се раунд доир гардид. Он бо пирӯзии Ғафуров бо қарори якдилонаи доварон анҷом ёфт - ҳар сеи ин қувваозмоӣ бо ҳисоби 30-27 анҷом ёфт.

Ҳоло Ғафурови 28-сола як силсилаи пирӯзӣ дар ду набард ва рекорди 2-2 дар UFC дорад.

Дар мавриди Накамураи 29-сола бошад, вай аввалин бохти касбиашро ба қайд гирифт. Қабл аз ин, ӯ дар UFC як силсилаи пирӯзӣ дар се ҷанг дошт.

Ёдовар мешавем, ки размикори дигари мо Муҳаммад Наимов (11-3) муқобили намояндаи Австралия Каан Офли (11-3-1) рӯзи 1-уми феврал дар Риёз мубориза мебарад.

Размикори дигари мо Нурулло Алиев пас аз осеб дигарбора қавӣ баргашт ва рӯзи 11-уми январ бар намояндаи Амрико Ҷо Солекки (13-6) бо қарори якдилонаи доварон зафар ёфт.