Охирин мусобиқаи интихобии олимпии гӯштин дар Истанбул доир мегардад

9-12-уми май дар шаҳри Истанбули Туркия мусобиқаи ҷаҳонии интихобӣ ба Бозиҳои олимпии Париж-2024 баргузор мешавад.

Варзишгароне, ки дар мусобиқаҳои интихобии гузашта – чемпионати ҷаҳон-2023 ва 4 мусобиқаи қоравӣ – натавонистанд муваффақ шаванд, охирин талошро иљро мекунанд. Ба иттилои Иттиҳоди ҷаҳонии гӯштиҳо (UWW), дар ҳамаи вазнҳо 54 роҳхат дода мешавад.

Аз ҷумҳурии мо панҷ варзишгар ба Туркия сафарбар мегарданд: Абдулмаҷид Кудиев (65 кг), Виктор Рассадин (74 кг) дар гӯштии тарзи озод, Асламҷон Азизов (60 кг), Фирӯз Мирзораҷабов (67 кг), Эдуард Бабонешов (130 кг) дар гӯштии юнонӣ-римӣ.